في مفاجأة غريبة من نوعها نشرت الإعلامية ريهام سعيد تعليقا تشيد فيه بدور الفنانة ريهام حجاج في حياتها الخاصة، وذلك عبر حسابها على موقع التواصل الاجتماعي انستجرام، ووجهت فيه فيه رسالة قوية للفنانة ريهام حجاج تشجيعا لها.
ونشرت ريهام سعيد على حسابها الخاص هذه الكلمات" وقفت جنبي وهي متعرفنيش، شجعتني وفضل عندها إصرار أنها تقومني من اللي كنت فيه وهي ملهاش أي مصلحة ولا محتاجة حاجة من حد وإنتي اللي بيقولوا عليه ابن ناس بجد وجدعة بجد وأي حد طلع عليكي كلمة أو اختلف معاكي كان أسود متضايق بس منك عشان مش عارف يبقى في طيبتك ولا يبقي زيك.
وأضافت ريهام سعيد: أنا تخلصت من الاكتئاب بسبب تشجيعك، ربنا هيفضل معاكي عشان إنتي كويسة بجد، من قلبي شكرا ريهام حجاج".
وبعد دقائق من هذا المنشور ردت ريهام حجاج على ريهام سعيد قائلة : يا حبيبة قلبي إنت ست محترمة وكفاية إنك عشتي عمرك كله بتساعدي الناس وبتعملي خير".
جدير بالذكر أن الفنانة ريهام حجاج كان أخر أعمالها فى رمضان الماضى من خلال مسلسل "صدفة" والذى شارك فى بطولته كل من خالد الصاوى وعصام السقا ورحاب الجمل وتأليف أيمن سلامة وإخراج سامح عبد العزيز.